Endo Roots Soluble (ERS)

Mikoriza göbələkləri bitkinin daha çox su və qida maddəsindən istifadə etməsinə şərait yaradır, bunun müqabilində bitkidən karbon alır. Bitki isə qarşılığında göbələklərin torpaqdan əldə etdiyi su və qida maddələrinin bitkiyə daşınmasından faydalanır. Mikoriza göbələkləri bitki kök səthinə, kök toxumalarına, hüceyrə daxilinə və hüceyrələrarası boşluqlara yerləşərək həyatlarını kök sistemində davam etdirirlər. Kök səthində sıx göbələk örtüyü və çoxsaylı hiflər (ən incə göbələk strukturları) əmələ gətirərək kökün çata bilmədiyi sahələrə qədər uzanırlar. Bu sayədə kökün qida maddələrini mənimsəmə qabiliyyəti normaldan 40 dəfə artır.

ERS-in istifadə sahələri hansılardır?

ERS (Mikoriza göbələkləri) suda həll olan toz formulaya malikdir. İstixana və açıq sahə tərəvəzçilikdə, dekorativ bitkilərdə, meyvəçilikdə və tarla bitkilərində toxum tətbiqləri daxil olmaqla bütün bitki istehsalı proseslərində istifadə oluna bilər. Əkinlə birlikdə və xüsusilə gənc bitkilərdə vegetasiya dövrü boyunca tətbiq edilməsi tövsiyə olunur. Yeni əkilmiş tərəvəz şitillərində və ya meyvə ağaclarında əkin zamanı tətbiq edildikdə bitkinin tutma faizini artırır və daha güclü inkişaf təmin edir.

Mikorizaların təsiri xüsusilə əlverişsiz ekoloji şəraitdə (quraqlıq, soyuq) və torpaq problemlərində (şoranlaşma, səhralaşma, ağır metal yığılması, duzlanma və s.) daha aydın şəkildə özünü göstərir.----